SIP Planning Awards 2019 မှာ အသိအမှတ်ပြုခံခဲ့ရတဲ့ ရန်ကုန်မြို့သစ်


ကျွန်တော်အားလုံးနဲ့ မျှဝေချင်တဲ့ သတင်းကောင်းတစ်ခုကတော့ ရန်ကုန်မြို့သစ်ရဲ့ Master Plan ဟာ၂၀၁၉ခုနှစ်၊ စက်တင်ဘာလ (၁၂)ရက်နေ့မှာ Singapore Institute of Planners အဖွဲ့အစည်းက ကျင်းပတဲ့  (၆)ကြိမ်မြောက် Planning Awards 2019 ပွဲမှာ Best Planning Project ကဏ္ဍအတွက် Merit Award ကိုရရှိခဲ့တဲ့အကြောင်းပဲ ဖြစ်ပါတယ်။

SIP Planning Awards ဟာ ကမ္ဘာတစ်ဝှမ်းက ထူးချွန်တဲ့ မြို့ပြဖော်ထုတ်ရေးပညာရှင်(urban planner)တွေနဲ့ အကြံပေးအဖွဲ့အစည်းတွေကို ချီးမြှောက်တဲ့ ဂုဏ်သတင်းကြီးပြီး အဆင့်အတန်းမြင့်မားတဲ့ အစီအစဉ်တစ်ခုဖြစ်တဲ့အတွက် ဒီဆုဟာ ကျွန်တော်တို့ NYDC အတွက် အရေးပါတဲ့မှတ်တိုင်တစ်ခုဖြစ်ပါတယ်။

ကျွန်တော့်အနေနဲ့ ရန်ကုန်မြို့သစ်ရဲ့ Master Plan ကို ရေးဆွဲရာမှာ ပူးပေါင်းလုပ်ဆောင်ခဲ့တဲ့ AECOM, NYDC ဒီဇိုင်းအဖွဲ့သားတွေနဲ့ သက်ဆိုင်ရာကဏ္ဍအလိုက် အကြံပေးခဲ့တဲ့ ပညာရှင်အားလုံးကို အထူးကျေးဇူးတင်ကြောင်း ပြောကြားလိုပါတယ်။ ရန်ကုန်မြို့သစ်ရဲ့ ရေလွှမ်းမိုးမှုကာကွယ်ရေးစီမံချက်ကစပြီး နေထိုင်သူတိုင်း ညီတူညီမျှအခွင့်အရေးရရှိပြီး၊ လုံခြုံကြံ့ခိုင်တဲ့ မြို့တစ်ခုအဖြစ် ရေရှည်တည်တံ့နိုင်ဖို့အတွက် စဉ်ဆက်မပြတ်ဖွံ့ဖြိုးတိုးတက်ရေးနှင့် ရေရှည်တည်တံ့ခိုင်မြဲရေးလမ်းညွှန်ချက် (Development and Sustainable Guidelines)အထိပါ ထည့်သွင်းရေးဆွဲထားတဲ့ Master Plan အတွက် ဒီဆုရရှိခြင်းဟာ ရန်ကုန်မြို့သစ်ကို အကောင်အထည်ဖော်နေတဲ့ ကျွန်တော်တို့ရဲ့ တစ်စိုက်မတ်မတ်ကြိုးစားအားထုတ်မှုနဲ့ စေတနာကို အသိအမှတ်ပြုခံရ ခြင်းလည်း ဖြစ်ပါတယ်။

NYDC အနေနဲ့ ကျွန်တော်တို့ရဲ့ ကတိအတိုင်း မှန်မှန်ကန်ကန်၊ နည်းစနစ်ကျတဲ့ လုပ်ငန်းစဉ်တွေနဲ့ စီမံကိန်းလုပ်ငန်းတွေ၊ အကဲဖြတ်စိစစ်မှုတွေကို ထိရောက်မှု အရှိဆုံးဖြစ်အောင် အကောင်အထည်ဖော် လုပ်ဆောင်ရင်း တစ်ချိန်တည်းမှာဘဲ အရည်အသွေးမြင့်မားမှုနဲ့ လုံခြုံမှုအတွက် လိုက်နာရမယ့် ကျင့်ဝတ်တွေကိုလည်း လိုက်နာကျင့်သုံးသွားမှာ ဖြစ်ပါတယ်။

လေးစားစွာဖြင့်

သိမ်းဝေ@Serge Pun

Related Posts

ပထမအဆင့်လုပ်ငန်းစဥ်များအတွက် လုပ်ငန်းဆောင်ရွက်လိုမှုအဆိုပြုလွှာ ဖိတ်ခေါ်ခြင်း

၂၀၂၀ပြည့်နှစ်၊ အောက်တိုဘာ(၁၅)ရက်နေ့မှာ ရန်ကုန်မြို့တော်မြို့ပြဖွံ့ဖြိုးတိုးတက်ရေးစီမံကိန်းရဲ့ ပထမအဆင့်လုပ်ငန်းစဥ်များ အကောင်အထည်ဖော်နိုင်ဖို့အတွက် စိတ်ပါဝင်စားတဲ့ ကုမ္ပဏီတွေကို လုပ်ငန်းဆောင်ရွက်လိုမှုအဆိုပြုလွှာ(Expression of Interest-EOI) ကို Swiss Challenge တင်ဒါကော်မတီက ခေါ်ဆိုခဲ့ပါတယ်။…Read more

စီမံကိန်းတိုးတက်မှုအခြေအနေများ

ကျွန်တော် ၂၀၂၀ ခုနှစ်အတွက် နှစ်သစ်ဆုမွန်ကောင်းတောင်းရင်း NYDC လုပ်ငန်းစဥ်အချို့ကို ဝေမျှချင်ပါတယ်။ ပြီးခဲ့တဲ့ ရက်သတ္တပတ်က တရုတ်ပြည်သူ့သမ္မတနိုင်ငံသမ္မတ Mr. Xi Jinping ဟာ မြန်မာ…Read more

(၂၀)ရာခိုင်နှုန်းမြို့မြေပြန်လည်နေရာချထားရေးလုပ်ငန်းစဉ်မှ NYDC ၏ အခန်းကဏ္ဍ

ရန်ကုန်မြို့သစ်ပထမအဆင့်ရဲ့ လက်ရှိလုပ်ကိုင်နေတဲ့ လယ်ယာမြေပြန်လည်ချထားရေးအစီအစဥ်မှာ အသုံးပြုတဲ့ပုံစံနဲ့လုပ်ငန်းစဥ်ဟာ မြန်မာနိုင်ငံမှာပထမဦးဆုံး စတင်အသုံးပြုတဲ့ မြေနေရာပြန်လည်ချထားရေး ပုံစံတစ်ခုဘဲ ဖြစ်ပါတယ်။ ဒီအစီအစဥ်ရဲ့အောင်မြင်မှုဟာ ‌ဒေသတွင်းက အခြားစီမံကိန်းတွေကိုလည်း အများကြီးအထောက်အကူဖြစ်စေမှာဖြစ်ပြီး အောင်မြင်ရတဲ့အဓိကအကြောင်းအရင်းကတော့ မြို့ပြစီမံကိန်း…Read more

ဒါရိုက်တာအဖွဲ့ဝင်သစ်များရဲ့ ဦးဆောင်မှုနဲ့ NYDC

တစ်ချိန်မှာ လက်ရှိရန်ကုန်မြို့နဲ့ ပေါင်းစည်းသွားမယ့် ရန်ကုန်မြို့သစ်ကို အကောင်းဆုံးအကောင်အထည်ဖော်ဖို့ တာဝန်ယူထားတဲ့ NYDC ရဲ့ ပြောင်းလဲမှုတစ်ခုအနေနဲ့  ရန်ကုန်တိုင်းဒေသကြီးအစိုးရအဖွဲ့က NYDCကို ဒါရိုက်တာဘုတ်အဖွဲ့ဝင်အသစ်တွေနဲ့ ပြင်ဆင်ဖွဲ့စည်းခဲ့ပါတယ်။ NYDC ကို…Read more

Stage 2 အခြေခံအဆောက်အဦစီမံကိန်းများအတွက် စိစစ်မှုများစတင်ခြင်း

ရန်ကုန်မြို့သစ်ပထမအဆင့် Stage-2 အခြေခံအဆောက်အဦ စီမံကိန်းလုပ်ငန်းတွေ အကောင်အထည်ဖော်နိုင်ဖို့ NYDC Challenge လုပ်ငန်းစဉ်ကို စတင်ဖို့ ၂၀၁၉ခုနှစ်၊ ဖေဖော်ဝါရီလ (၁၁) ရက်နေ့မှာ Stage-2 အခြေခံအဆောက်အဦ…Read more