ရန်ကုန်မြို့သစ်ကို ဟန်ချက်ညီညီနဲ့ စဉ်ဆက်မပြတ် ရေရှည်ဖွံ့ဖြိုးစေရေး


ရန်ကုန်မြို့သစ်စီမံကိန်းရဲ့ ပတ်ဝန်းကျင်လေ့လာဆန်းစစ်ရေးနယ်နိမိတ်တွေကို ချမှတ်နိုင်ဖို့ NYDC အနေနဲ့ သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန လက်အောက်မှာရှိတဲ့ ပတ်ဝန်းကျင်ထိန်းသိမ်းရေး ဦးစီးဌာနက သက်ဆိုင်ရာ ကျွမ်းကျင်ပညာရှင်တွေ၊ တာဝန်ရှိသူတွေနဲ့ ဆွေးနွေးမှုတွေကို ၂၀၁၈ခုနှစ် နှစ်လည်ပိုင်းမှစတင်ပြီး ပြုလုပ်ခဲ့ပါတယ်။

ဆွေးနွေးမှုတွေအရ ရန်ကုန်မြို့သစ်စီမံကိန်းကို နည်းစနစ်ကျကျ ဟန်ချက်ညီညီနဲ့ ရေရှည်ဖွံ့ဖြိုးတိုးတက်စေဖို့ မဟာဗျူဟာမြောက်သဘာဝပတ်ဝန်းကျင်ဆိုင်ရာဆန်းစစ်ခြင်း (Strategic Environmental Assessment -SEA) ကို ပြုလုပ်ဖို့ သဘောတူခဲ့ပါတယ်။ ဒါကြောင့်မို့ နိုင်ငံတကာ သဘာဝပတ်ဝန်းကျင်ဆန်းစစ်ရေး အဖွဲ့အစည်းဖြစ်တဲ့ Environmental Resource Management (ERM) ကို ရန်ကုန်မြို့သစ်စီမံကိန်းရဲ့ သဘာဝပတ်ဝန်းကျင်ဆိုင်ရာ ဆန်းစစ်မှုတွေ ပြုလုပ်ဖို့ ခန့်အပ်ခဲ့ပါတယ်။

မဟာဗျူဟာမြောက်သဘာဝပတ်ဝန်းကျင်ဆိုင်ရာဆန်းစစ်ခြင်း (SEA) ကို ပြုလုပ်ခြင်းအားဖြင့် ရန်ကုန်မြို့သစ်ကို ဟန်ချက်ညီညီနဲ့ ရေရှည်ဖွံ့ဖြိုးတိုးတက်အောင် ဆောင်ရွက်တဲ့နေရာမှာ အများကြီး အထောက်အကူပြုမှာ ဖြစ်သလို မြို့သစ်ကို တည်ဆောက်ရာမှာ သဘာဝသယံဇာတတွေ မထိခိုက်အောင် လုပ်ဆောင်နိုင်ဖို့ လမ်းပြပေးနိုင်ရုံသာမကဘဲ မြို့သစ်တည်ဆောက်ခြင်းကြောင့် သဘာဝပတ်ဝန်းကျင်အပေါ် သက်ရောက်လာနိုင်မယ့် အကျိုးဆက်တွေကိုလည်း အသေးစိတ်လေ့လာဆန်းစစ်သွားနိုင်မှာ ဖြစ်ပါတယ်။ ဒီလိုသက်ရောက်လာနိုင်မယ့် ဆိုးကျိုးတွေကို လျှော့ချနိုင်ဖို့ NYDC အနေနဲ့ SEA က ရရှိလာမယ့် မူဝါဒတွေနဲ့ လမ်းညွှန်ချက်တွေကို မြို့သစ်ထဲမှာရှိမယ့် စီမံကိန်းတိုင်းအတွက် ကျင့်သုံးသွားမှာ ဖြစ်ပါတယ်။

SEA လုပ်ငန်းစဉ်တွေမှာ တွေ့ဆုံဆွေးနွေးခြင်းလုပ်ငန်းစဉ်က အဓိကကျတဲ့ အခန်းကဏ္ဍတစ်ခုဖြစ်လို့ NYDC အဖွဲ့သားတွေနဲ့ အကြံပေး ERM ကုမ္ပဏီတို့ ဦးစီးပြီး စီမံကိန်းနဲ့သက်ဆိုင်သူများနဲ့ မဟာဗျူဟာမြောက် သဘာဝပတ်ဝန်းကျင်ဆိုင်ရာဆန်းစစ်ခြင်းနှင့် ပတ်ဝန်းကျင်နှင့်လူမှုဝန်းကျင်ထိခိုက်မှုဆန်းစစ်ခြင်းတို့နဲ့ စပ်လျဉ်းပြီး လူထုတွေ့ဆုံရှင်းလင်းပွဲတွေကိုလည်း တိုင်းဒေသကြီးအဆင့်နဲ့ မြို့နယ်အဆင့်တွေမှာ နှစ်ကြိမ်ပြုလုပ်ခဲ့ပါတယ်။ ပထမအကြိမ်အဖြစ် ၂၀၁၉ခုနှစ် ဇန်နဝါရီလ (၂၃) ရက်နေ့မှာ တိုင်းဒေသကြီးအဆင့်အနေနဲ့ လုပ်ဆောင်ခဲ့ပြီး ၂၀၁၉ခုနှစ် ဖေဖော်ဝါရီလ (၁) ရက်နေ့က (၃) ရက်နေ့အထိ မြို့နယ်အဆင့် တွေ့ဆုံရှင်းလင်းပွဲ (၅) ခု ပြုလုပ်ခဲ့ပါတယ်။ ဒုတိယအကြိမ်အနေနဲ့ ၂၀၁၉ခုနှစ် ဧပြီလ (၁) ရက်နေ့က (၈) ရက်နေ့အထိ မြို့နယ်အဆင့် တွေ့ဆုံရှင်းလင်းပွဲ (၁၁) ခု ပြုလုပ်ခဲ့ပါတယ်။ အခုလို ရှင်းလင်းပွဲတွေ ပြုလုပ်ခြင်းအားဖြင့် စီမံကိန်းနဲ့ သက်ဆိုင်သူများအနေနဲ့ စီမံကိန်းတိုးတက်ဖြစ်ပေါ်မှုတွေကို သိရှိခွင့်ရသလို စီမံကိန်းရဲ့ ပတ်ဝန်းကျင်ထိခိုက်မှုမရှိစေရေး ရည်မှန်းချက်များနဲ့ ကိုက်ညီမှုရှိအောင်လည်း စောင့်ကြည့်ခွင့် ရရှိခဲ့ပါတယ်။

မဟာဗျူဟာမြောက်သဘာဝပတ်ဝန်းကျင်ဆိုင်ရာဆန်းစစ်ခြင်း(SEA) လုပ်ငန်းစဉ်ဟာ မြန်မာတစ်နိုင်ငံလုံး အတိုင်းအတာနဲ့ ကြည့်မယ်ဆိုရင်တောင် ပြုလုပ်ထားတဲ့ အရေအတွက် အနည်းငယ်သာရှိလို့ NYDC က လက်ရှိလုပ်ဆောင်နေတဲ့ SEA ကို ရှေ့ဆောင်လမ်းပြတစ်ခုအနေနဲ့ မှတ်ယူနိုင်ပါတယ်။ ဒါ့အပြင် လက်ရှိ SEAလုပ်ငန်းစဉ်တွေကို ထိထိရောက်ရောက်နဲ့ ပိုမိုကောင်းမွန်အောင် ပြုလုပ်နိုင်ဖို့ NYDC အဖွဲ့သားတွေဟာ ပတ်ဝန်းကျင်ထိန်းသိမ်းရေးဦးစီးဌာနရုံးမှာ ဆွီဒင်နိုင်ငံအစိုးရပိုင် အဖွဲ့အစည်းတစ်ခုဖြစ်တဲ့ Swedish International Development Cooperation Agency (SIDA)အဖွဲ့က ကြီးမှူးကျင်းပတဲ့ နိုင်ငံတကာ အလုပ်ရုံဆွေးနွေးပွဲကိုလည်း တက်ရောက်ခဲ့ကြပါတယ်။

NYDC အနေနဲ့ လက်ရှိအချိန်မှာ မဟာဗျူဟာမြောက်သဘာဝပတ်ဝန်းကျင်ဆိုင်ရာဆန်းစစ်ခြင်း (SEA) မူကြမ်းကို ၂၀၁၉ ခုနှစ်၊ ဇွန်လမှာ အပြီးသတ်ပြီး အများပြည်သူများရဲ့ အမြင်များနဲ့ သုံးသပ်ချက်များကို ရယူနိုင်ဖို့ ပြင်ဆင်နေပါတယ်။

လေးစားစွာဖြင့်

သိမ်းဝေ@ Serge Pun

Related Posts

(၂၀)ရာခိုင်နှုန်းမြို့မြေပြန်လည်နေရာချထားရေးလုပ်ငန်းစဉ်မှ NYDC ၏ အခန်းကဏ္ဍ

ရန်ကုန်မြို့သစ်ပထမအဆင့်ရဲ့ လက်ရှိလုပ်ကိုင်နေတဲ့ လယ်ယာမြေပြန်လည်ချထားရေးအစီအစဥ်မှာ အသုံးပြုတဲ့ပုံစံနဲ့လုပ်ငန်းစဥ်ဟာ မြန်မာနိုင်ငံမှာပထမဦးဆုံး စတင်အသုံးပြုတဲ့ မြေနေရာပြန်လည်ချထားရေး ပုံစံတစ်ခုဘဲ ဖြစ်ပါတယ်။ ဒီအစီအစဥ်ရဲ့အောင်မြင်မှုဟာ ‌ဒေသတွင်းက အခြားစီမံကိန်းတွေကိုလည်း အများကြီးအထောက်အကူဖြစ်စေမှာဖြစ်ပြီး အောင်မြင်ရတဲ့အဓိကအကြောင်းအရင်းကတော့ မြို့ပြစီမံကိန်း…Read more

SIP Planning Awards 2019 မှာ အသိအမှတ်ပြုခံခဲ့ရတဲ့ ရန်ကုန်မြို့သစ်

ကျွန်တော်အားလုံးနဲ့ မျှဝေချင်တဲ့ သတင်းကောင်းတစ်ခုကတော့ ရန်ကုန်မြို့သစ်ရဲ့ Master Plan ဟာ၂၀၁၉ခုနှစ်၊ စက်တင်ဘာလ (၁၂)ရက်နေ့မှာ Singapore Institute of Planners အဖွဲ့အစည်းက ကျင်းပတဲ့ …Read more

ဒါရိုက်တာအဖွဲ့ဝင်သစ်များရဲ့ ဦးဆောင်မှုနဲ့ NYDC

တစ်ချိန်မှာ လက်ရှိရန်ကုန်မြို့နဲ့ ပေါင်းစည်းသွားမယ့် ရန်ကုန်မြို့သစ်ကို အကောင်းဆုံးအကောင်အထည်ဖော်ဖို့ တာဝန်ယူထားတဲ့ NYDC ရဲ့ ပြောင်းလဲမှုတစ်ခုအနေနဲ့  ရန်ကုန်တိုင်းဒေသကြီးအစိုးရအဖွဲ့က NYDCကို ဒါရိုက်တာဘုတ်အဖွဲ့ဝင်အသစ်တွေနဲ့ ပြင်ဆင်ဖွဲ့စည်းခဲ့ပါတယ်။ NYDC ကို…Read more

Stage 2 အခြေခံအဆောက်အဦစီမံကိန်းများအတွက် စိစစ်မှုများစတင်ခြင်း

ရန်ကုန်မြို့သစ်ပထမအဆင့် Stage-2 အခြေခံအဆောက်အဦ စီမံကိန်းလုပ်ငန်းတွေ အကောင်အထည်ဖော်နိုင်ဖို့ NYDC Challenge လုပ်ငန်းစဉ်ကို စတင်ဖို့ ၂၀၁၉ခုနှစ်၊ ဖေဖော်ဝါရီလ (၁၁) ရက်နေ့မှာ Stage-2 အခြေခံအဆောက်အဦ…Read more

မြို့ပြဖော်ထုတ်ရေးကျွမ်းကျင်ပညာရှင်များနှင့် ချိတ်ဆက်ခြင်း

2019 Urban Land Institute Asia Pacific Summit ညီလာခံကို ဇွန်လ (၁၁)ရက်နေ့ကနေ (၁၃)ရက်နေ့အထိ တရုတ်နိုင်ငံ၊ ရှန်ဟိုင်းမြို့မှာ ကျင်းပခဲ့ပြီး ကျွန်တော်ဦးဆောင်တဲ့…Read more

ရန်ကုန်မြို့သစ်၏ Master Plan

ရန်ကုန်မြို့သစ်ရဲ့ Master Plan ကို AECOM အဖွဲ့က စည်းစနစ်အကျဆုံး၊ထိရောက်မှုအရှိဆုံး၊ အလေအလွင့်အနည်းဆုံး မြေကိုအသုံးချနိုင်ဖို့အတွက်သာမက တည်ဆောက်အကောင်အထည်ဖော်မယ့် လိုအပ်နေတဲ့အခြေခံအဆောက်အဦတွေ၊ စီးပွားရေးဖွံ့ဖြိုးတိုးတက်မှု၊ ပတ်ဝန်းကျင်စီမံခန့်ခွဲနိုင်မှု၊ သယ်ယူပို့ဆောင်ရေး၊ လူမှုရေးနှင့်…Read more