၂၀၁၉ခုနှစ်၊ ဖေဖော်ဝါရီလ (၁၁)ရက်နေ့မှာ ရန်ကုန်မြို့သစ်ပထမအဆင့် အခြေခံအဆောက်အအုံ တည်ဆောက်ရေးလုပ်ငန်း(၆)ခုအတွက် NYDC Challenge Tender ပထမအဆင့်စတင်နိုင်ဖို့ လုပ်ငန်းဆောင်ရွက်လိုမှုအဆိုပြုလွှာ (Expression of Interest – EOI) ခေါ်ဆိုခဲ့ပါတယ်။ ဒီအတွက် သတ်မှတ်ထားတဲ့ နောက်ဆုံးတင်သွင်းရက်က ၂၀၁၉ခုနှစ်၊ ဖေဖော်ဝါရီလ (၂၈)ရက်နေ့ဖြစ်ပြီး အဖွဲ့အစည်းတော်တော်များများက စိတ်ပါဝင်စားစွာ EOI တင်သွင်းကြတာကိုလည်း တွေ့ရှိရပါတယ်။
ရန်ကုန်မြို့သစ်ပထမအဆင့် အခြေခံအဆောက်အအုံ တည်ဆောက်ရေးလုပ်ငန်း(၆)ခုအတွက် EOI တင်သွင်းမှုစုစုပေါင်း (၇၇) ခုရှိခဲ့ပါတယ်။ လုပ်ငန်းကဏ္ဍတစ်ခုစီအလိုက် တင်သွင်းမှုစုစုပေါင်းကို အောက်မှာ ခွဲခြားပေးထားပါတယ်။
1) Power Supply and Distribution (20 EOIs)
2) Public Transport System (7 EOIs)
3) Cyber Connectivity Infrastructure (13 EOIs)
4) Municipal Waste Disposal (15 EOIs)
5) Natural Gas Supply and Distribution (14 EOIs)
6) Convention Center (8 EOIs)
လုပ်ငန်း(၆)ခုအတွက် တင်သွင်းလာတဲ့ ကုမ္ပဏီ၊ အဖွဲ့အစည်းပေါင်း (၄၅) ခုရှိပြီး မြန်မာ၊ အိန္ဒိယ၊ ဖင်လန်၊ ဂျပန်၊ ဟောင်ကောင်၊ တရုတ်၊ အီတလီ၊ ကိုရီးယား၊ မလေးရှား၊ စင်ကာပူ၊ သီရိလင်္ကာ၊ ထိုင်းနဲ့ ဗီယက်နမ်နိုင်ငံ အစရှိတဲ့ နိုင်ငံပေါင်းစုံက ပါဝင်ပါတယ်။ တစ်ချို့ကုမ္ပဏီတွေက လုပ်ငန်းကဏ္ဍတစ်ခုထက်ပိုပြီး ပါဝင်လုပ်ဆောင်ဖို့ တင်သွင်းထားပါတယ်။
တင်သွင်းလာတဲ့ အဖွဲ့အစည်း (၄၅) ခုထဲက (၄)ခုက EPC (Engineering, Procurement and Construction) Contractors (ဆောက်လုပ်ရေးလုပ်ငန်းတွေလုပ်မယ့် ကန်ထရိုက်တာ) အနေနဲ့ လုပ်ကိုင်ဖို့ စိတ်ပါဝင်စားကြောင်း တင်သွင်းထားပါတယ်။ ရန်ကုန်မြို့သစ်ပထမအဆင့် အခြေခံအဆောက်အအုံ တည်ဆောက်ရေးလုပ်ငန်းတွေလုပ်ကိုင်ဖို့ NYDC က ကျင်းသုံးမယ့် Public-Private-Partnership (PPP) model အရ ရွေးချယ်ခံရတဲ့ အဖွဲ့အစည်းနဲ့ NYDC တို့ ပူပေါင်းပြီး Design, Invest, Build and Operate (ဒီဇိုင်းဆွဲခြင်း၊ ရင်းနှီးမြှုပ်နှံခြင်း၊ တည်ဆောက်ခြင်း၊ စီမံလုပ်ကိုင်ခြင်း) ပုံစံနဲ့ လုပ်ဆောင်သွားမှာ ဖြစ်ပါတယ်။ ဒါကြောင့်မို့ EPC Contractor အဖြစ် ပါဝင်လုပ်ကိုင်လိုတဲ့ ကုမ္ပဏီအဖွဲ့အစည်းတွေအနေနဲ့ အနာဂတ်မှာ ဒီစီမံကိန်းတွေကို ဦးစီးလုပ်ကိုင်မယ့် အဖွဲ့အစည်းတွေနဲ့ ဆက်သွယ်ပြီး ပါဝင်လုပ်ကိုင်နိုင်မယ့် အခွင့်အရေးကို ရရှိနိုင်ပါတယ်။
NYDC အနေနဲ့ စီမံကိန်းနဲ့ ပတ်သက်တဲ့ ရှင်းလင်းချက်တွေနဲ့ ပူပေါင်းဆောက်ရွက်မယ့်ပုံစံ (cooperation model) တွေကို EOI တင်သွင်းထားတဲ့ ကုမ္ပဏီ၊အဖွဲ့အစည်းတွေထံကို ဆက်သွယ်ပေးပို့သွားပါမယ်။ အဲဒီကနေတဆင့် နောက်ဆုံးဆန်ကာတင်ရွေးချယ်ခံရတဲ့ ကုမ္ပဏီ၊အဖွဲ့အစည်းတွေကို ဖိတ်ကြားပြီး အသေးစိတ်ဆက်လက်တွေ့ဆုံဆွေးနွေးသွားမှာ ဖြစ်ပါတယ်။
လေးစားစွာဖြင့်
သိမ်းဝေ@Serge Pun